Жамбыл облысының бас имамы Бейбіт Әліпбекұлы "Нұр Мүбарак" универсиететінде оқып жатқан Жамбыл облысының студенттерімен жүздесті. 

Облыс бас имамы жастарға діни қызмет жайлы ақыл-кеңесін айтып, Жамбыл облысындағы мәселелерді түсіндірді. Студенттер тұрғысынан сұрақтар қойылып, мардымды жауаптар берілді.

Бейбіт Әліпбекұлы өңірден барып білім алып жатқандарға жұмысқа орналасу жөнінде қашанда жүгіне алатындарын жеткізді. Қызметке, я өндірістік практикаға болса да облысқа келіп, орналаса алатындарын айтты.

Бас имам алдағы уақыттарда студенттермен жиі кездесу өткізуді қолға алмақ. Сондай-ақ, түлектермен жеке кездесу өткізетінін де хабарлап өтті.

Айта кетейік, биылғы жыл бойынша аталған оқу орнында исламтану мамандығы бойынша 129 студент білім алуда. Сонымен қатар осы жылы 126 түлек бітіріп, 10-нан астамы жұмысқа орналасса, 7-еуі Жамбыл облысына қызметке келді. 

Ақерке БЕКҚҰЛОВА

"Һибатулла Тарази" мешітінің баспасөз қызметі