Жамбыл ауданы Қызылдихан ауылы «Махат ата» мешітінің имамы Чалиев Ескендір мен ауыл кәсіпкерлерінің ұйымдастыруымен көпбалалы, жағдайы төмен отбасыларға «Жылулық сыйла» акциясы аясында қайырымдылық көмек көрсетті. Көмек 10 отбасын қамтыды.

Қайырымдылық – ізгіліктің көрінісі. Ол көмекті қажет етушілерге білдірілетін сүйіспеншілік пен қол ұшын беру болып табылады. Қайырымдылық жасау үшін асып-тасып бай болу керек емес. Ең бастысы мейірімді жүрегің мен таза ниетің болса жеткілікті. Кез келген қиын жағдайда адам баласы әр түрлі бағытта көмек қолын соза алады. Біреулер жаны жабырқау жүргендерді жұбата отырып күлкі сыйласа, екіншілері қиын сәтте қол ұшын беріп, көмек жасайды.

Көмек алған отбасылар, ауыл имамы мен кәсіпкерлерге өз алғыстарын жаудырды.

Жамбыл аудандық мешітінің баспасөз қызметі