Жамбыл ауданына қарасты барлық мешіттерді ауданның бас имамы Ғайырфулла Қуанышбекұлы аралап, мешіттің жылу жүйелері мен дәрет алатын арнайы орындарда жылу су болу керектігін тексерді. Сонымен қатар, өрт қауіпсіздігі қадағалануда. Барлық мешіттерде «Өрт қалқаны» тексеріліп, мешіт жамағатына өрт қауіпсіздігі түсіндірілуде. Өрт қауіпсіздігі – бұл өрт болу мүмкіндігін болдырмау және оның пайда болған кезінде адамдарға, құрылыс және материалдық құндылықтарға өрттің қауіпті факторларының жағымсыз әсерлерін жою үшін қажетті шараларды қолдану болып саналады.

Өрт қауіпсіздігі өрттің алдын алу шаралары мен және белсенді өрт қорғанысымен қамтамасыз етіледі. Өрттің алдын алу болып өртті болдырмау немесе оның салдарын азайтуға бағытталған іс-шаралардың кешені саналады. Белсенді өрт қорғанысы – бұл өрт немесе жарылысқа қауіпті жағдайларымен белсенді күресуді қамтамасыз ету шаралары.

Жамбыл аудандық мешітінің баспасөз қызметі