Жамбыл ауданы орталық «Бәйдібек» мешітінде «Әйел-қыздар» секторының жетекшісі Жайна Бекназарованың ұйымдастыруымен аудандағы көпбалалы отбасыларға «Жылулық сыйла»  акциясы аясында қайырымдылық көмек көрсетілді.

Азық-түлік ретінде жасалынған қайырымдылық көмек 6 отбасына үлестірілді. Көмек берілген отбасылар өз алғыстарын айтып, мешіт ұжымына бірлік пен береке тіледі. Әрине, қайырымдылық – қайырлы іс екені осыдан-ақ белгілі емес пе! Шындығында, адам өміріндегі ең игі істерінің бірі – мұқтаж жандарға қамқорлық жасау.

Адамдар бір — біріне қайырымдылық, мейірімділік таныту арқылы жақсылық жасайды. Қамқорлықты қажет ететін жандарға қол ұшын беру арқылы адам баласы жақсылыққа қадам бастайды.

Жамбыл аудандық мешітінің баспасөз қызметі