Үлкен сұлутөр ауылына арнайы іс-сапармен барған Қордай ауданының бас имамы Асқар Зәкіржанұлы ауыл тұрғындарымен кездесті.

Шарада  ауызбіршілік, ынтымақ турасында көркем насихат айтты. Имам өз сөзінде: "Тұрақтылықтың негізгі діңгегі – ауызбіршілік. Халқымызда «Береке басы – бірлік», «Бірлікті ел бұзылмас» деген аталы сөздер бар. Болашағымыздың жарқын болуы бүгінгі бірлігімізге тікелей байланысты. Бірлігімізге бекем болсақ, болашағымыз баянды, берекелі болары хақ. Алла Тағала мұсылман баласына: «Бөлінбеңдер ...» («Әли Имран» сүресі, 103-аят) – деп бауырмал болуға бұйырған. Мұсылман баласы көркем мінез-құлықпен ел ішіндегі ауызбіршілікті сақтай білуі керек. Себебі, рухани тұрғыда өсіп-жетілген тұлға қандай жағдайда да барлық мәселені байыпты жолмен шешеді. Алла Тағала: «Жақсылыққа, тақуалыққа жәрдемдесіңдер. Күнәға және дұшпандыққа жәрдемдеспеңдер...» («Мәида» сүресі, 2-аят) деп бұйырған" - деді.

Жүздесу соңында аудан имамына ақсақалдар бастасын беріп, ел амандығы үшін дұға жасалды.

Қордай аудандық мешітінің баспасөз қызметі