Жуырда Шу ауданының бас имамы Бахтияр Әміреев Алға ауылдық округінде болып, «Амангелді» мешітінің ахуалымен танысты. Танысу барысында Бахтияр Амантайұлы аталған мешіттің іші-сыртын аралап, атқарылған жұмыстардың жайын байқады.
Осы мешіт имамы Әбубәкір Абдрайымов бас имамға атқарылған шаруалар туралы баяндап, жоспарларымен бөлісті. Өз кезегінде ауданның бас имамы жұмыстардың бағыт-бағдарын түсіндіріп, тиісті тапсырмалар берді.
Бахтияр Амантайұлының ауылдармен танысу жұмыстары бекітілген жоспарға сәйкес жүргізілуде. Сондықтан мұндай сипаттағы сапарлар жалғасын табатын болады.
Байжан ЕМБЕРДІ,
Шу аудандық «Жәми» мешітінің баспасөз қызметі