Жамбыл ауданы Жалпақтөбе ауылындағы «Тұрғани» мешітінің имамы Каримов Рахматулланың  бастамасымен «Ел  үлесі - пәтерге» бағдарламасы аясында 6 көпбалалы, әлеуметтік жағдайы төмен отбасыларға баспана соғылуда.

Ауылға арнайы барған ауданның бас имамы Ғайырфулла Қуанышбекұлы аталған жоба бойынша бой көтеріп жатқан баспананың  құрылысын көріп қайтқан болатын.

 Мұқтаждың мұңын ойлап, мейірімділікке үндейтін берекелі жобаның жүзеге асырылуына жергілікті жамағаттар да ат салысуда. Аудан имамы ауыл имамы мен жамағатына өз алғысын білдіріп, істеріне береке, бірлік тіледі.

Жамбыл аудандық мешітінің баспасөз қызметі