Жамбыл ауданы Қаракемер ауылында ауылдық «Қаракемер» мешітінің имамы Кәкішев Төлеуғазының ұйымдастыруымен көпбалалы отбасыларға қайырымдылық көмек көрсетілді. Азық-түлік ретінде берілген көмек  10 отбасыны қамтыды.

Жақсылық жасау — имандылықтың, тәрбиеліліктің, парасаттылықтың айқын көрінісі. «Не берсең де балаға бер, бала үшін жаса» — деген халқымыздың игі дәстүрі қазіргі кезде қайырымдылық қоғамдарының іс-тәжірибелерімен жалғастырылып келеді.

"Қайырымдылық жасасаң, қайырын өзің көресің," — дейді қазақ xалқы. Қайырымдылық-адамзат бойындағы ерекше бір қасиет болып саналады. Қайырымдылық ізгіліктің, адамның адамға деген таза ниетін, адамгершілік қарым-қатынасын көрсететін адамдардың бір-біріне деген сүйіспеншілігі мен көмегі.

Жамбыл аудандық мешітінің баспасөз қызметі