Құрметті ұстаздар қауымы!

Сіздерді төл мерекелеріңіз "Ұстаздар күнімен" құттықтаймыз! Еліміздің және облысымыздың діни оқу орындарында шәкірт тәрбиелеп жүрген ұстаздарға Алланың нұры жаусын!

"Ұрпақ тәрбиесі – ұстазға байланысты", "Ұстазы мықтының - ұстамы мықты" дегендей өнегелі ұстаздан жақсы шәкірт шығатыны сөзсіз. Олай болса, мұғалім бақыты – шәкірт құрметі. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Сондықтан білім көшін жылжытып келе жатқан ұстаздар қауымына құрмет арта бермек! 

Сүйікті пайғамбарымыз Мұхаммед (с.ғ.с.) хадистерінде:

«Ілім үйреніңіздер, ілімге қажетті байыптылық пен байсалдылықты да қоса үйреніңіздер. Сіздерге ілім үйреткен кісіні құрметтеңіздер, сыйлаңыздар» - деген. 

Ұстаздық - жауаптылығы зор, қадірлі мамандық. Осындай абыройлы міндетті алып, талай баланың көзін ашқан ұстаздарға мың алғыс! Алла отбасыларыңызға береке, амандық, салихалы ұрпақ бергей!

Бейбіт МЫРЗАГЕЛДИЕВ

ҚМДБ-ның Жамбыл облысы бойынша бас имамы