Жамбыл ауданы орталық Спорт кешенінде жастар арасында ұлттық ойындардан жарыс өтті. Арқан тартыс, асық, ләңгі секілді қазақтың ұлттық ойындары ойнатылды. Іс-шараға арнайы қонақ болған ауданның бас имамы Ғайырфулла Қуанышбекұлы жастарды ұлттық салт-сана дәріптелген ұлттық ойындар жарысының бастамасымен құттықтады.
Салт-дәстүр -әр ұлттың, халықтың діні мен сеніміне, тұрмыс – тіршілігіне, ұлттық құрылым ерекшелігіне сәйкес ғасырлар бойы жинақталып, өмірдің өзі туғызған ғұрыптардың жиынтығы; қауым мен қоғамда қалыптасқан мінез – құлықтың үлгілері.
Күнделікті қолданыста бір мәдени топты екіншісінен асыратын және бейресми жолмен реттейтін қабылданған мінез – құлық ережесіне немесе әлеуметтік әрекеттерді жөнге келтіретін терминге жатады.
Жамбыл аудандық мешітінің баспасөз қызметі