وَرَوَى مَقَاتِلُ بْنُ حَيَّانْ أَنَّ الَّنِبىُّ (ص.ع.س) قاَلَ: "لَمَّا أَسْرَى بِى إِلىَ السَّمَاءِ اِنْطَلَقَ جِبْرِيلُ عَلَيْهِ السَّلاَمُ حَتىَ اِنْتَهَى إِلَى الحْجَابِ الأَكْبَرَ عِنْدَ سِدْرَةِ الْمُنْتَهَى

Мақотилу ибн Хаияннан риуат: Пайғамбар (с.а.с.) айтты: «Исра кешінде Жәбірейіл (а.с.) екеуміз аспан әлеміне көтеріліп, Сидратул мунтаһадағы (әлемнің соңғы шетіндегі) «Хижабул Акбар» («ұлы перде») деген жерге дейін жеттік:

قَالَ جِبْرِيلُ عَلَيْهِ السَّلاَمُ: تَقَدَّمْ يَا مُحَمَّدُ

 Жәбірейіл (а.с.): «Ей, Мұхаммед! Ары қарай өзің бар!» деді.

قُلْتُ: يَا جِبْرِيلُ لاَ بَلْ تَقَدَّمْ أَنْتَ

 Мен таң қалып: «Ей, Жәбірейіл! Сен өзің де шықпайсың ба?» деп сұрадым.

قَالَ: يَا مُحَمَّدُ لاَ يَنْبَغِى لأَحَدٍ غَيْرَكَ أَنْ يُجَاوِزَ هَذَا الْمَكَانَ وَ أَنْتَ أَكْرَمَ عَلَى اللهِ مِنىِّ

Жәбірейіл (а.с.) маған: «Ей, Мұхаммед! Мына жерден ары қарай өтуге Сенен басқа ешкімге рұқсат жоқ. Сенің құрметің Алланың алдында менікінен жоғары» - деді.

فَتَقَدَّمْتُ حَتَّى انْتَهَيْتُ إِلَى سَرِيرٍ مِنْ ذَهَبٍ وَعَلَيْهِ فِرَاشٌ مِنْ حَرِيرِ الْجَنَّةِ

Содан мен жолымды ары қарай жалғастырып жаннаттың жібек матасымен қапталған, алтынмен әрленген төсек тұрған жерге жеткенімде...

 فَنَادَى جِبْرِيلُ عَلَيْهِ اسَّلاَمُ مِنْ خَلْفِى يَا مُحَمَّدُ إِنَّ اللهَ تَعَالَى يَثْنىَ عَلَيْكَ فَاسْمَعْ وَ أَطِعْ وَلاَ يُهَوِّلَنَّكَ كَلاَمُهُ

 Арқа жағымнан Жәбірейілдің (а.с.) даусын естідім: «Ей, Мұхаммед! Алла Тағала Саған сәнә айтып жатыр құлақ сал, бой ұсын, Оның сөзі Сені қорқытпасын».

فَبَدَأْتُ باِلثَّنَاءِ عَلَى اللهِ تَعَالَى فَقُلْتُ: الَتَّحِيَّاتُ ِللهِ وَاصَّلَوَاتُ وَاطَّيِّبَاتُ

Сонда мен Алла Тағалаға сәнә айтып тұрып былай дедім: «Әттәхияту лилләһи уассалауату уәттоибату». Мағынасы: (Барлық дұғалар, мадақтар, тәндік, дүниелік ғибадаттар Алла Тағалаға лайық)

قَالَ اللهُ تَعَالَى: اَسَّلاَمُ عَلَيْكَ أَيُّهَا النَّبِىُّ وَرَحْمَةُ اللهِ وَبَرَكَاتُهُ

      Алла Тағала маған жауап беріп: «Әссәләму алайка әйюһәннәбию уә рохматуллаһи уә бәрокатуһ». Мағынасы: (Уа, Пайғамбар! Саған сәлем әрі саған Алла Тағаланың рахымы мен берекеті жаусын) - дегенде

فَقُلْتُ: الَسَّلاَمُ عَلَيْنَا وَعَلَى عِبَادِ اللهِ الصَّالِحِينَ  

             Мен: «Әссәләму алайна уә ъала ғибадиллаһиссалихин» (Уа, Раббымыз! Сәлем бізге және Алла Тағаланың салихалы құлдарына болсын) - деп жауап бердім.

وَقَالَ جِبْرِيلُ عَلَيْهِ السَّلاَمُ: أَشْهَدُ أَنْ لاَ إِلَهَ إِلاَّ اللهُ وَ اَشْهَدُ أَنَّ مُحَمَّداً عَبْدُهُ وَ رَسُولُهُ

Менің сөзімді естіген Жәбірейіл (а.с.): «Әшһәду әллә иләһә иллаллаһу уә әшһәду әннә Мұхаммәдән абдуһу уә расулуһ» - деп жауап берді. Мағынасы: (Мен Алла Тағаладан өзге ешқандай Құдай жоқ екеніне хазреті Мұхаммед Алла Тағаланың құлы әрі Пайғамбары екеніне куәлік етемін).

قَالَ اللهُ تَعَالَى: (آمَنَ الَّرسُولُ بِمَا أُنْزِلَ إِلَيْهِ مِنْ رَبِّهِ)

 Содан кейін Алла Тағала: «Пайғамбар Мұхаммед Тәңірінен Оған түсірген кітапқа иман келтірді» (Бақара-285)

قُلْتُ: بَلَى يَا رَبِّ آمَنْتُ بِكَ (وَالْمُؤْمِنُونَ كُلٌّ آمَنَ بِاللهِ وَمَلاَئِكَتِهِ وَ كُتُبِهِ وَرُسُلِهِ لاَ نُفَرِّقُ بَيْنَ أَحَدٍ مِنْ رُسُلِهِ) كَمَا فَرَّقَتِ الْيَهُودُ بَيْنَ مُوسَى وَعِيسَى عَلَيْهِمَا السَّلَامُ وَفَرَّقَتِ النَّصَارَى بَيْنَهُمَا

Мен: - Ия, Раббым! Саған иман келтірдім, «Мүміндерге Аллаға, оның періштелеріне, кітаптарына, пайғамбарларына иланды (иман келтірді) Құдай жіберген Пайғамбарларын біз алаламаймыз, біріне сеніп біріне сенбей қоймаймыз» (Бақара-285), Муса (а.с.) мен Иса (а.с.) пайғамбарларды алалаған яһудилер мен насаралар секілді алалаушылардан емеспіз. -деп жалбарындым.

ثُمَّ قَالَ:ياَ مُحَمَّدُ سَلْ تُعْطِ, فَقُلْتُ:(وَقَالُوا سَمِعْنَا وَ أَطَعْنَا غُفْرَانَكَ رَبَّناَ وَإِلَبْكَ الْمَصِير)

 Кейін Жәбірейіл (а.с.): «Ей, Мұхаммед! Сен Алладан сұрасаң сұрағаныңды береді» дегенде, Мен: «Әміріңді естідік те, бойұсындық Жаратушым, түбі баратынымыз Өзіңнің алдың екен, тағдырымызды Өзіңе тапсырамыз да, жарылқауыңды (жалбарынып) тілейміз, Тәңірім» (Бақара-285). -деп жалбарындым.

 قَالَ اللهُ عَزَّ وَجَلَّ:(لاَ يُكَلِّفُ اللهُ نَفْساً إِلاَّ وُسْعَهَا لَهَا مَا كَسَبَتْ وَ عَلَيْهَا مَا اكْتَسَبَتْ)

  Алла Тағала: «Құдай ешкімге қолынан келмейтінді жүктемейді. Әркім өзінің істеген амал-әрекетіне, жақсы істері мен жаман істеріне қарай» (Бақара-286) жазасын алады. - деді.

ثُمَ قَالَ: ياَ مُحَمَّدُ سَلْ تُعْطِ فَقُلْتُ: (رَبَّنَا لاَ تُؤَاخِذْناَ إِنْ نَسِينَا أَوْ أَخْطَأْنَا)

Жәбірейіл (а.с.): «Ей, Мұхаммед! Сен Алладан сұрасаң сұрағаныңды береді» дегенде, мен: - «О жаратқан! Егер біз ұмытқандықтан әлде жаңылғандықтан мүлт кетсек бізді жазаға тарта көрме» (Бақара-286), -деп жалбарындым.

قَالَ اللهُ تَعَالَى: لَكَ ذَلِكَ لاَ أُؤَاخِذُكُمْ بِمَا نَسِيتُمْ أَوْ أَخْطَأْتُمْ أَوْ اِسْتَكْرَهْتُمْ عَلَيْهِ

Аллаһ Тағала: Тілегенің болсын!: «Сенің және сенің үмметіңнің естен шығарып немесе қателесіп, қалауынсыз істеген нәрселерін бетіне баспаймын» - деді.

 ثُمَّ قَالَ: ياَ مُحَمَّدُ سَلْ تُعْطِ فَقُلْتُ:(رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ )

Жәбірейіл (а.с.): «Ей, Мұхаммед! Сен Алладан сұрасаң сұрағаныңды береді» деп ескерткеннен кейін, Мен: «Тәңірім! Бізден бұрынғылардың басына бергеніңдей ауыр бейнетті бізге арта көрме, Тәңірім! Бізге шамамыз келмейтінді жүктеме» (Бақара-286)-деп жалбарындым.

قَالَ اللهُ تَعَالَى: لَكَ ذَلِكَ

Аллаһ (Т): Тілегенің болсын!-деді.

قَالَ: ياَ مُحَمَّدُ سَلْ تُعْطِ فَقُلْتُ: (وَاعْفُ عَنَّا وَاغْفِرْلَنَا وَارْحَمْنَا أَنْتَ مَوْلاَنَا فَانْصُرْنَا عَلَى الْقَوْمِ الْكَافِرِينَ)

Жәбірейіл (а.с.): «Ей, Мұхаммед! Сен Алладан сұрасаң сұрағаныңды береді» деген ескертуінен кейін, Мен: «Кешір бізді, тура жолыңнан тайдырма, рақым жаса! Біздің Тәңіріміз Өзіңсің, имансыздарға қарсы (күресте) бізге көмектес» (Бақара-286) -деп жалбарындым.

قَالَ: لَكَ ذَلِكَ (إِنْ يَكُنْ مِنْكُمْ عِشْرُونَ صَابِرِينَ يَغْلِبُوا مِائَتَيْنِ)

Аллаһ Тағала: Тілегенің болсын!, «Ей, Пайғамбарым! Егер сенің тобыңда жиырма адам болса, кәпірдің екі жүзін жеңе алады» (Әнфәл-65) - аятымен иманын тағы да қуаттады.

Құрметті бауырлар! Миғраж түні мен онда болып өткен ғажайып оқиғалардың берекетімен Алла тағала иманымызды берік етсін!

Дайындаған:

Манас Кеңесбекұлы,

Тараз қалалық «Әулие-ата» мешітінің молдасы.