Жамбыл ауданы Айша-бибі ауылының орта мектебінде  «Айша-бибі» мешітінің имамы Таджбаев Қатарбай мектеп оқушыларымен кездесті. Кездесуде ауыл имамы оқушыларға «Адамды адам еткен – еңбек» тақырыбында насихат айттып, адамдар еңбек ету арқылы көптеген жетістіктерге қол жеткізіп, күнделікті ішіп-жейтін тамағының, киетін киімінің өзі еңбекпен келетінін, қысқасы қоғамдағы байлықтың бәрі еңбектен тұратындығын балаларға түсіндірді. Расында да, еңбек – адамның асыл қасиеттерінің бірі.  Еңбек дегенміз бойымыздағы күшімізді пайдалану.

«Еңбек – адамның екінші анасы», «Еңбек мұратқа жеткізер», «Жалқаулық аздырады, еңбек оздырады»,- деген мақалдар да еңбектенудің адамдарға қажетті нағыз байлық екендігін көрсетеді. Ал іс-әрекетсіз бос жүру, еріншектік, жалқаулық – жаман әдет.

Жамбыл аудандық мешітінің баспасөз қызметі