Қордай орталық мешітінде шам намазынан кейін облыстық "Һибатулла Тарази" мешітінің наиб имамы Бақтияр Әміреевпен жүздесу өтті.

Білікті маман "Фалақ", "Нас" сүрелерін оқып жүрудің пайдасы жайында уағыз айтты. ""Фалақ" және "Нас" сүрелері «Әл-Муъаууизәтәни» - сақтандырушы екі сүре деп аталады. Пайғамбарымыз (Оған Алланың игілігі мен сәлемі болсын) осы екі сүрені оқып, түрлі бәле-жалалардан сақтанып жүретін болған" - деп қос сүренің тәпсірі мен маңыздылығын жіліктеп берді.

Сүрелерді оқып жүрудің артықшылығы турасында аят-хадистердер мысал келтіре отырып жеткізген имам жамағаттың сауалдарына да жауап берді.

Қордай аудандық мешітінің баспасөз қызметі.