Аудандық Нұр Отанын залында өткен жиынға Қордай ауданының найб имамы Даурен Нұржанұлы арнайы барып қатысып, "Теріс діни ағымдар жайлы не білеміз?" атты тақырыпта сөз сөйледі.

Дін маманы жат ағымдағы азаматтардың белгілері мен ұстанымдарына тоқталып, көпшіліктің сұрақтарына жауап берді.

"Бүгінгі таңда тек өздерін ғана «шынайы мұсылманбыз» деп, өзгелердің барлығын, «кәпір» есептейтін және өз отанын тәрк етуші адасқан ағымның көрініс тапқаны мәлім. Нағыз мұсылман пенде тырнақ астынан кір іздеп, басқаларды күпірлікте айыптаумен айналыспайды. Керсінше өзінің бойындағы кемшіліктермен күреске түседі, - деп Дәурен Нұржанұлы дәстүрлі дінге жат әдеттерді тізіп берді. Маман дінді үйрену үшін мешітке келіп, имамдардан білім алуды және ҚМДБ бекіткен кітаптарды оқуға кеңес берді. 

Қордай аудандық мешітінің баспасөз қызметі