Тұрар Рысқұлов аудандық «Сұлтан» мешітінің жамағатына «Періштелерге иман» тақырыбында уағыз-насихат жасалды. Уағызды ауданның бас имамы Сұлтаншарип қажы жүргізді. Уағызға жамағаттан 30-40-қа жуық адам қатысты.

Бас имам алдымен періштелердің болмысы мен сипаттарына тоқталып, нұрдан жаратылған, жынысқа бөлінбейтін, ішіп-жемейтін, түрлі жақсы бейнеге кіре алатын күнәдан пәк жаратылыс екендігін айтып, кейін Алланың кәламы мен Пайғамбарымыздың (оған Алланың салауаты мен сәлемі болсын) хадистерінде келген періштелер жайындағы аят – хадистерді айтып, ашықтап берді.

Сонымен қатар, періштелердің әрқайсысынa Аллaның жүктеген aрнaйы міндеттері мен қызметтері бар. Олaрдың кейбірі Аллaға үздіксіз құлшылық етсе, енді біреулері ғaлaмдағы жүйені қaдaғaлaуғa бұйырылғaн. Адaмдaрға қызмет етуші, оларды бәле-жaладaн сaқтaйтын періштелер де бaр екендігіне айтып, Омар бин Хаттабтан (оған Алла разы болсын) жеткен хадисте Жебірейілдің (а.с.) Пайғамбарымыздан (оған Алланың салауаты мен сәлемі болсын) иман дегеніміз не? – деп сұрағанда, ол (оған Алланың салауаты мен сәлемі болсын): «Иман дегеніміз – Аллaға, Оның періштелеріне, кітaптарына, елшілеріне, aқырет күніне және тағдырдың жақсысы мен жаманына сену» – деген хадиске тоқтала кетті.

Тұрар Рысқұлов аудандық «Сұлтан» мешітінің баспасөз қызметі