Жамбыл ауданы орталық «Бәйдібек» мешітінде ауыл имамдарымен «рухани тәрбие – ихсан ілімін насихаттау» жөнінде дөңгелек үстел өткізілді.

Жиында аудан имамы ауыл имамдарына мешітке келген жамағатқа, ауыл тұрғындарына «ихсан ілімін» насихаттау керектігін тапсырды. Ихсан – тәрбие негізі. Сөздікте: «жақсылық», «игілік» деп келетін «ихсан» сөзінің шариғаттағы терминдік мағынасы бір нәрсені қолға алғанда оны «ең әдемі, ең кемел түрде жасау» дегенді білдіреді.

Ихсан – пенденің иманын бекемдеп, құлшылыққа деген құлшынысын арттыратын, адамгершілікке тән игі қасиеттерді кемелдендіре түсетін рухани ілім.

Жамбыл аудандық мешітінің баспасөз қызметі