Бүгін облыстық "Һибатулла Тарази" мешітінде өңірге қарасты қала және аудандардағы әйел ұстаздарға арналған семинар өтті.

Іс-шараны ҚМДБ-ның Жамбыл облысы бойынша бас имамы Бейбіт Мырзагелдиев ашты. Әйел ұстаздардың ауызбіршілігі, жұмыс тәртібі, белсенділігі жайлы тілге тиек етіп, бірқатар мардымды кеңестер берді.

ҚМДБ-ның Жамбыл облысы бойынша Әйел-қыздар секторының өкілі Гүлжан Серікқызы семинарда баяндама жасап, "Әйел адамның рухани дамуы" тақырыбын сөзіне арқау етті.

Жиында өзге де ұстаздар баяндама жасап, түйіткілді мәселелерді көтерді.

Шара соңынан дастархан жайылып, ұйымшылдықты арттыру мақсатында көркем сұқбат жасалды.

Ақерке БЕКҚҰЛОВА

"Һибатулла Тарази" мешітінің баспасөз қызметі