Қордай ауданының бас имамы Асқар Зәкіржанұлы, наиб имамы Нұрбол Сұлтанбек, "Ар Рахман" мешітінің имамы Нұрмұхаммед Кеулімжанов пен аудан әкімшілігінің қатысуымен өңірде құмар ойындарға қарсы жұмыс жүргізу жөнінде келіссөздер жасалды.

Аудан әкімшілігінде өткен жиында бинго, латорея, автоматты ойын сынды құмар ойындардың шариғаттағы үкімі мен салт-дәстүріміздің қолдамауы сөз болды.

Осы құмарлықтың салдарынан отбасы шаңырағында болып жатқан жағдайлар, дініміздің тиым салуы туралы баяндамалар жасалып, жұмыс жоспары құрылды.

Алдағы уақытта мамандар ауылдарды аралап, насихат және әкімшілік жауапқа тарту жұмыстарын жүргізбек.

Қордай аудандық мешітінің баспасөз қызметі