Жамбыл облысы Сарысу аудандық орталық мешітінде қасиетті Рамазан айының қарсаңында мешіт қызметкерлері және әйел қыздар секторының ұйытқы болуымен "Берекелі Рамазан керуені" атты қайырымдылық іс-шарасы болып өтті.

Көпбалалы және әлеуметтік жағдайы төмен отбасыларға азық-түлік таратылды.

Құранда: «Жасаған қайыр-садақаларың өздеріңе игілік келтірсін десеңдер, тек Алланың «дидары» үшін ғана қайыр-садақа бергейсіңдер» - деген.

Сонымен қатар Пайғамбарымыз Мұхаммедтің (с.ғ.с.): «жақсылық жасаңдар, қайырымды болыңдар!» – дегенін  ұмытпайық. Бес күндік пәни дүниеде қайырлы іс жасайық.

Сарысу аудандық мешітінің баспасөз қызметі