Байзақ ауданына қарасты ауыл мешіттері ҚМДБ-ның ұйымдастыруымен қасиетті Рамазан айының құрметіне орай жүзеге асырылып жатқан «Рамазан керуені» қайырымдылық марафонына белсене қатысуда.
«Шолпан Дауіт» пен «Абдімажит» және «Жантай ата» мешіттердің ауласында өткен аталмыш марафонда жалпы сомасы 815 000 теңге болатын азық-түлік қоржындары 96 мұқтаж отбасыларға табысталды.
Мешіт алаңына жамағат, еріктілер мен белсенді жастар жиналып, сауапты іске бір кісідей атсалысуға асықты.
Жиналған мұқтаж отбасылар мешіт қызметкерлеріне өз алғыстарын білдіріп тарқасты.
Байзақ аудандық мешітінің баспасөз қызметі