Имамдар үйінде "Жат ағымдармен күресу жолдары" тақырыбында семинар өтті. Аталған шараны РАНТ мүшесі Алматы қаласы "Бәйкен" мешітінің имамы Нұрболат Дүйсебаев пен Жамбыл облыстық "Һибатулла Тарази" мешітінің наиб имамы Бахтияр Амиреев жүргізді.

Имамдарға теріс бағыттағы азаматтармен жұмыс жүргізу, сөйлесу, тіл табысу мәселелері айтылып, олардың психологиясы түсіндірілді. 

"«Іштен шыққан жау жаман» демекші бұл турасында Омар ибн Хаттаб (Алла оған разы болсын) былай деген екен: «Мен бұл үммет үшін оны иман ұстап қалатын муминнен, немесе оның бұзақылығы айқын болған бұзақыдан қауіптенбеймін. Алайда, мен Құранды оқуын кемелдендіргенге дейін оқитын, ал содан соң оны шынайы мағынасына қарсы тәпсірлейтін адамнан қорқамын!»" - деп атап өтті семинар спикерлері.

Ақерке БЕКҚҰЛОВА

"Һибатулла Тарази" мешітінің баспасөз қызметі