Жамбыл ауданы «Бәйдібек» мешітінің ұйымдастыруымен көпбалалы отбасыға үй соғылуда. Ауданның бас имамы Ғайырфулла Қуанышбекұлы 2019 жылы елімізге белгілі кәсіпкер, аудан азаматы Қуаныш Шонбайдан үш көпбалалы отбасыларға үй соғып беруге жер сұраған болатын. Аудан имамын қолдаған кәсіпкер бастамаға келісімін берді. Былтыр бір отбасыға үй соғылып берілген болатын.

Биыл қасиетті Рамазан айында екінші үйдің құрылысы басталып кетті. Асарлатып салынып жатқан баспанаға мешіт жамағаты мен аудан кәсіпкерлері, ауыл тұрғындары ат салысуда. Аудан имамының бастамасын қолдаған аудан жұртшылығына алғысымыз шексіз!

Жамбыл аудандық мешітінің баспасөз қызметі