Меркі ауданына қарасты ауылдық елді-мекендерде барлық мешіт имамдары Рамазан айы кірісімен жергілікті халыққа, әкімшілік қызметкерлерге және кәсіпкерлерге «Ораза - ұлы құлшылық» тақырыбында оразаның парыз екендігі, оның пайдасы, оразаны не бұзбайды, не бұзады, пітір-фидия садақалары және кәффарат дегеніміз не, осы тақырыптарда халыққа түсіндіру жұмыстарын жүргізуде.

Имамдар әрбір шамасы жеткен мұсылманға Ораза ұстау парыз екенін насихаттады. "Исламның бес шартының үшіншісі – Рамазан айында ораза ұстау. Пайғамбарымыз: “Кімде-кім сене отырып, сауабын Алладан күтіп, Рамазан оразасын тұтса, өткен күнәлары кешіріледі" - дейді мамандар. Жиналған қауым көкейлерінде жүрген оразаға қатысты сұрақтарын қойып, тұшымды жауап алды.

Сөз соңында көпшілік еліміз, жеріміз үшін, халықтың амандығы үшін дұға жасап тарқасты.

«Меркі ата» мешітінің баспасөз қызметі