Күллі мұсылман асыға күткен қасиетті Рамазан айы келіп жетті. Он екі айдың сұлтаны ораза айының құрметіне youtube хостингінде онлайн Құран хатымы басталды. 

Облыстық "Һибатулла Тарази" мешітінен жол тартқан тікелей эфирді Иманәлі Мырзагелді мен Бірлік Амангелді қарилар жүргізеді.  Бүгін тарауық намазының бірінші күнінде алғашқы пара оқылып басталып та кетті.

Отыз күн бойы Алланың кәлімін білікті мамандардан тыңдау мүмкіндігін күнделікті сағат 12.00-де жіберіп алмаңыз. Шара еліміздегі індет жағдайына байланысты қолға алынды. Осылайша, Құран түскен айда жамағат хатымды еліміздің кез келген нүктесінде отырып тыңдамақ.

Ақерке БЕКҚҰЛОВА

"Һибатулла Тарази" мешітінің баспасөз қызметі