Қазақстан мұсылмандары діни басқармасы Тараз қалалық орталық «Кеңесхан қажы» мешіті ұстазы, әйел-қыздар секторы Жібек Болатбекқызының ұйымдастыруымен қасиетті Рамазан айының келуіне орай «Қош келдің Рамазан» атты іс-шара өтті.
Кездесуде оразаны ұстау тәртібі толығымен түсіндіріліп, оразаның пайдасы мен сауаптары жайлы аят-хадистер мен үгіт-насихаттар жүргізілді.
Жиынға "Үшқоңыр" медресе колледжінің шәкірті Амина Нурова мен мешіт шәкірттері қатысты. Оқушылар ораза жайында көкейінде жүрген сұрақтарына жауап алды. Бір-біріне сыйлықтар сыйлап, Алланың разылығы үшін діндегі бауыр екенін көрсетті. Жиын соңында әйелдер жамағаты үйінен пісіріп әкелген түрлі дәмді тағамдарымен дастархан жайып имандасты.
Жібек Болатбекқызы
«Кеңесхан қажы» мешіті ұстазы