Тараз қалалық орталық «Кеңесхан қажы» мешітінің ұстазы, әйел-қыздар секторы Жібек Болатбекқызының ұйымдастырауымен «Әжелер алқасы» мүшелері «Жамбыл Жабайұлы» мешітін зират етті.

Құрылысы жүріп жатқан жаңа мешіт ғимаратына өз үлестерін қосу мақсатында ақ жаулықты 7 апамыз 70 мың теңгені жұмсады. Сонымен қоймай келер ұрпаққа үлгі болған бұл ізгі апаларымыз мешіт құрылысы аяқталмайынша өз зейнетақыларынан әр ай сайын 10 000 теңгеден беріп отыратынын жеткізді.

Құран Кәрімде тәубе сүресінің 18-аятында Алла Тағала: «Алланың мешіттерін шынайы түрде Аллаға, ақырет күніне сенген, намазды толық орындаған, зекет берген және Алладан ғана қорыққан кісі жасайды. Міне солардың тура жол табушылардан болулары үміт етіледі», деп бұйырады. Сапар соңы «Жамбыл Жабайұлы» мешітінің молдасы Садуақасов Ербол атамыздың ізгі батасымен аяқталды.

"Кеңесхан қажы" мешітінің баспасөз қызметі