ҚМДБ Тараз қалалық "Кеңесхан қажы" мешіті Әйелдер-қыздар секторының ұйымдастыруымен Наурыз мерекесіне орай рухани кеш өтті. Әйелдер-қыздар секторының басшысы Гүлжан Алдасаева  арнайы қонақ ретінде шақырылды.

«Кеңесхан қажы» мешітінің ұстазы Жібек Болатбекқызы сауат ашу курсының оқушыларын мейрамханада жинап, оларды бір-бірімен таныстырды. Алла елшісі: «Алла разылығы үшін біреуді жақсы көрмейінше ешкім иманның тәтті дәмін сезбейді» - деген.

Жиын барысында "Амалдар ниетке байланысты" деген тақырыпта уағыз айтылды. Әйелдер өзара имандасып, рухани демалып қайтты.

"Кеңесхан қажы" мешітінің баспасөз қызметі