Шу ауданның бас имамы Аят қажы Дыбысұлының ұйымдастырумен, ауданда тұратын жағдайы төмен 14 отбасына қайырымдылық шарасы ұйымдастырылып, ет пен азық-түлік үлестірілді. Аталмыш тұрғындардың есіктерін қағып, азық толы себетті таратқан ауданның наиб имамдары мұқтаж жандардың баталарын алып қайтты. Жалпы жұмысалған қаражат 205.000 теңгені құрады.

Сондай-ақ, Бірлікүстем мешітінің молдасы Жетпіспай Әлімбеков 3 қой сойып, етін мұқтаж болған 15 отбасыға үлестірді. Ауыл тұрғындары бұл іске риза болып, баталарын жаудырды. Қайырымдылыққа жұмысалған қаражат 150.000 тг құрады.

 Талғат Кәрібайұлы

Шу аудандық «Төле би» мешітінің баспасөз қызметі