Шу ауданы, Бірлікүстем ауылында Кеңес әскерлерінің ауғаныстаннан шығарылған күні мерекесіне орай, ауылдық мәдениет үйінде, ауыл тұрғындарының қатысуымен жиын өтті.

Шараны ұйымдастырушы ауыл әкімшілік қызметкерлері және ақсақалдар алқасы, аталмыш ауылда жылдар бойы қызмет атқарып, көп деген шаралардың басқасында жүрген Бірлікүстем мешітінің молдасы Жетпісбай Әлімбеков ақсақалды «Шу ауданының 90 жылдығы және ұлы тұлғалар әл-Фарабидің Абай Құнанбаевтің сондай-ақ Бауыржан Момышұлының мерейтойлары құрметіне Батыр Шапағаты» медалімен марапаттады.

Шу аудандық "Төле би" мешітіне қарасты, Бірлікүстем мешітінде молдалық қызметті атқарып жүрген Жетпісбай ақсақал Шу ауданындағы дін мамандарының арасында жасы үлкен ақсақал. Діни және шаруа қожалықта алдына жан салмайтын жан.

Аудандық "Төле би" мешітінің ұжымы және ауыл молдалары атынан шын жүректен алғысымызды білдіреміз. Алла разы болғай дегіміз келеді.

Талғат Кәрібайұлы

Шу аудандық "Төле би" мешітінің баспасөз қызметі