Тараз қалалық орталық «Кеңесхан қажы» мешітінде "Халал дамуға" байланысты семинар өтті. Жиынды Нұр-Сұлтан қаласынан арнайы шақырумен келген ұйым өкілі Сафиев Данияр Бақзейнелұлы жүргізді.

Семинарда Данияр Бақзейнелұлы халал ризық жеудің маңыздылығы жайында сөз қозғап, халал ризық жеу қасапшының өз ісіне адал болуымен тығыз байланысты екендігін атап өтті. Сонымен қоса, малды бауыздау кезінде жасалатын істерді, атап айтқанда, жануарды "бисмилләмен" бауыздау, одан бұрын малды қинамау мақсатында пышақты жануардың көзінше қайрамау керектігін, жануардың толық қаны шықпай тұрып жұлынын үзбеу сынды т.б. назар аударатын жайыттарды атап өтті.

Шараға Тараз қалалық орталық «Кеңесхан қажы» мешітінің наиб имамы әрі Тараз қаласы байынша "Халал даму" өкілі Асылхан Тұрлыбеков, қалалық «Ар Рахман Ар Рахим» мешітінің наиб имамы әрі Жамбыл облысы байынша "Халал даму" өкілі  Нұрматжан Миразизов, облыстық «Һибатулла Тарази» мешітінің наиб имамы Бахтияр Әмреев сонымен қоса Тараз қалалық аймақтық мешіт имамдары мен әртүрлі саладағы кәсіпкерлер қатысты.

«Кеңесхан қажы» мешітінің баспасөз қызметі