Жамбыл ауданының бас имамы Ғайырфулла Қуанышбекұлының ұйытқы болуымен өңірдегі дінтану мамандарының жиыны өтті. 

Шарада қазіргі уақыттағы еліміздегі діни ахуал тілге тиек болып, түйіткілді мәселелер көтерілді. Бас имам Қазақстан мұсылмандарының Рухани Тұғырнамасы тәлімдік құжаты болған "Жеті рухани қазық" туралы жеткізіп, онда айтылған құндылықтар жайлы насихат айтты. 

Тұғырнама мұсылманның тұлабойында табылуы тиіс негізгі жеті көркем сипатты қамтиды. Атап айтқанда, имандылық, отаншыл болу, білім алу, бірлікке болысу, еңбекқорлық, мәдениетті болу және әділдік принципін ұстану. Бұл – адам баласының кісілік келбетін, көркем мінезін қалыптастыруға негіз болатын жеті рухани қазық. 

Ақерке ШАХРИЗАТҚЫЗЫ

"Һибатулла Тарази" мешітінің баспасөз қызметі