Сауапқа деген құштарлық

Сауапқа деген құштарлық

User Rating: 5 / 5

Star ActiveStar ActiveStar ActiveStar ActiveStar Active
 

Рәбиа ибн Кағыб (р.а.) былай әңгімелейді: «Таңның атысы, күннің батысы Пайғамбарымыздың қызметінде жүріп, тіпті ел орынға отырғаннан кейін де, түнгі намазын тамамдап үйіне қайтқанда, «Аяқ астынан Расулаллаһтың бір шаруасы шығып қалар», – деп, Расулаллаһтың есігінің алдында тапжылмай отыратынмын.

Пайғамбарымыздың әрдайым «Сүбханаллаһи уа бихамдиһ», – деп тәсбих ететінін еститінмін. Кейде етегіме сүрініп қатты шаршаймын. Ондай кезде кетіп қалатынмын. Кейде ұйқы басып отырған жерімде қалғып кететінмін. Менің ақысыз-пұлсыз, өз еркіммен қызмет етіп жүргенімді байқаған Алла елшісі бір күні: «Уа, Рәбиа, менен қалағаныңды сұра, қолыңды бос қайтармаймын», – деді.

Мен: «Ойланып көрейін, сосын айтармын», – дедім. Өзіме-өзім дүние нығметтерінің өткінші екенін, оның үстіне әзірше жеткілікті тамағым бар екендігін ойлап: «Алланың елшісінен ақырет өміріме қатысты нәрсе сұрайын, өйткені Алланың алдында Оның мәртебесі жоғары ғой», – дедім. Алланың елшісіне жүгіріп бардым. Алланың елшісі «Рәбиа, қандай шешім қабылдадың?» – деп сұрады.

«Мені жаһаннамнан азат ету үшін Раббыңның алдында маған шапағат етуіңді тілеймін», – дедім. Расулаллаһ: «Мұны саған кім үйретті?» – деді. «Сені хақ дінмен жіберген Раббыма ант етем, ешкім үйретпеді. Алланың алдында ұлы мәртебеге ие болған сен «қалағаныңды сұра, берейін», – деген соң жағдайды саралап көрдім. Бұл дүние өткінші, нығметтері де өткінші, әрі табысым да жеткілікті, сондықтан «Ақырет өмірімде сіздің тікелей жәрдеміңізге иек артқым келеді», – дедім. 

Менің осы жауабымды тыңдаған соң Пайғамбарымыз (саллаллаһу аләйһи уә сәлләм) ұзақ уақыт үндемей тұрды да: «Мақұл, орындаймын. Бірақ өзің де көп құлшылық етіп маған көмектес», – деді».

asyldin.kz

ҚҰРМЕТТІ ОҚЫРМАН! ОСЫ ТАҚЫРЫПҚА БАЙЛАНЫСТЫ ПІКІРІҢІЗДІ БӨЛІСЕ ОТЫРЫҢЫЗ.
Жаңалықтардың астында қалдырылған комментарийлер мазмұны asyldin.kz рухани ағарту порталында редакцияланбайды. Сайт комментарийлердің пішіні мен мазмұнына жауап бермейді. Пікір білдірерде тәртіп сақтауды сұраймыз!
пікірлер (0)

Оқи отырыңыз: