Тараз қалалық «Намаз ата» мешітінде ү.ж. қаңтар айынан бастап Құран Кәрім тәлімін алып жүрген 28 қыз, 25 ұл балаларға ынталандыру ретінде алғыс хаттар мен Құран Кәрім және т.б. сыйлықтар берілді. «Намаз ата» мешітінің имамы Абдухаликов Сардарбек елімізге төніп келген қатерлі індет кезінде де балаларға онлайн түрде сабағын жалғастырған. 

Іс-шараға Тараз қалалық орталық «Кеңесхан қажы» мешітінің наиб имамдары Тұрлыбеков Асылхан мен Халметов Қайырғали, Тараз қалалық «Құлбай баба» мешітінің наиб имамы Сматов Талғат арнайы шақырумен келіп, балаларға алғыс хаттары мен сыйлықтарын таратты.

Іс-шара барысында Пайғамбарымыздың (с.а.у.) «Тал бесіктен жер бесікке дейін білім алыңдар» деген шақыруына құлақ асқан жас бүлдіршіндерге игі сөздер айтылып, бата берілді.

"Кеңесхан қажы" мешітінің баспасөз қызметі