Қазақстан мұсылмандары діни басқармасының биыл 30 жылдық мерейтойы. Осыған орай, діни басқарма 30 игі шара бағдарламасын жасап, жоба аясында еліміз бойынша көптеген игіліктер атқарылды. Баспанасыздар үйлі болып, құдықтар қазылып, көпірлер төселіп, ағаштар егіліп, мешіттер көркейіп, тағысын тағы ауыз толтырып айтарлық жемісті істер мол. 

Осындай мақсаттың бірі - көне, ескі мешіттерге күрделі жөндеу жұмыстарын жасау болатын. Жоба негізінде Жамбыл облысына қарасты Шу ауданы Шоқпар ауылдық "Шоқпар" мешіті мен Т.Рысқұлов ауданы Алғабас ауылдық "Алғабас" мешітінің ажары кірді. 

Қос мешітке толықтай жаңарту жасалып, ауданның ең шырайлы да рухани ғимараты бұрынғыдан да нұрлана түсті. Ендігісі, ауыл тұрғындары карантин аяқталып, жамағатпен жұмада бас қосуға асық. Алла сол күндерді жақындата түссін! 

Ақерке БЕКҚҰЛОВА

"Һибатулла Тарази" мешітінің баспасөз қызметі