Тұңғыш Президент Елбасы Нұрсұлтан Назарбаевтың да пандемияны жұқтырғаны белгілі болды. Осыған орай, Тараз шаһарының кәсіпкер азаматының ұйытқы болуымен Елбасы мен еліміздің көшбасшысы, Президентіміз Қасым-Жомарт Тоқаевтың, бұқара халықтың жаман індеттен аман болуын сұрап, Алла жолында шипа сұрап, құрбандық шалынды.

Тектұрмас кесенесі аймағындағы мешітке арнайы барып, мал сойып, ҚМДБ-ның Жамбыл облысы бойынша бас имамы Бейбіт қажы Мырзагелдиев Құран оқып, ел амандығы үшін дұға жасады. 

Садақа - бәле-жалаларды аластатады. Құрбан шалу - Алланы ұлықтауды әрі мұсылмандардың бір-біріне деген жанашырлығын білдіреді. Осындай игі мақсатта игі садақа жасаған азаматтардан Алла разы болсын!

Ақерке БЕКҚҰЛОВА

Һибатулла Тарази мешітінің баспасөз қызметі