Дін мемлекеттің негізін құраушы ең маңызды факторлардың бірі болғандықтан, ішкі тұрақтылықтың да кепілі. Түзеу орындарында да діни ахуалдың тұрақтылығы маңызды.
Осыған орай ЖД-158/7 мекемесінде арнайы білімді мамандар жүйелі жұмыстар атқарып, жат ағымдардың алдын алу мақсатында бағыт-бағдар береді. Кітапхана қорындағы түрлі әдебиеттер сараланып, кереғар дүниелермен күресуге көп күш жұмсалуда. Сондай-ақ, Жамбыл облысы Дін істері жөніндегі басқармасы «Кеңес беру және оңалту» орталығының өкілдерімен кездесулер ұйымдастырылады.
Бұрын соңды аптасына екі рет жергілікті мешіт имамдары мен провославты шіркеудің дінбасылары келіп сотталғандармен тікелей бетпе-бет жүздесетін. Карантин кезінде атаулы іс-шараның барлығы да онлайн жүйеге көшірілді. Жоспарға сәйкес, кезекті рет Жамбыл облысы Дін істері басқармасының теологы Алмас Құлымбетов пен ҚМДБ имамы, репсубликалық ақпараттық насихаттау тобының мүшесі Нұралы Бақытұлы ЖД-158/7 мекемесіндегі сотталғандармен «Skype» арқылы байланысқа шықты.
Ақпараттық түсіндіру жұмыстарын жүргізіп, ара-жігін ажыратып берді. Өз кезегінде уахабия ағымының шығу тарихы, оның зияны мен зардаптары жайында және одан құтылудың жолдарын егжей-тегжейлі түсіндіріп өтті.
Жазасын өтеушілер өздерін толғандырып жүрген мәселелер бойынша сұрақтарын қойып, оған тұщымды жауаптарын алды.
Гаухар Рысбай
ЖД-158/7 мекемесінің баспасөз хатшысы
б/т:87771088000