Асыға күткен рамазан айымен қимай қоштасар сәт бұл! 30 күн оразадан соң ұлтты ұйыстырар Ораза айт мерекесі аталып өтілмек. Осыған орай, "Молда Мұхаммеджан" мешіті мен "Мұқтаждар" атаулы тобы бірлесіп қайырымдылық шарасын өткізді.

Мешіт имамы, Һибатулла Тарази медресесінің директорының орынбасары Нұралы Бақытұлы бастап 12 отбасыға қаржылай көмек көрсетілді.

Айттық ретінде мұқтаж, әлеуметтік жағдайы төмен отбасыларға үлестірілген қаражаттың жалпы соммасы 150000 теңгені құрады.

Тараз шаһарының тұрғындары бұл жәрдемге қуанып, шынайы алғыстарын жеткізді.

Ақерке БЕКҚҰЛОВА

Һибатулла Тарази мешітінің баспасөз қызметі.