Ел ұйқыда жатқанда, ұйқыны қыйып құлшылық еткен еселі сауап екені белгілі. Елімізге осынау сынақ келген уақытта сауаптан құр алақан қалғысы келмеген жастар, Алла тағала Бақара сүресінің 272-аятында « Игі жолда не сарп етсеңдер де, сауабы өздеріңе толық беріледі...»,-дегендей, ал Алла елшісі Алланың игілігі мен сәлемі болсын  «Садақа пәле жаланы қайтарады»  деген сөзді ұран еткен Сарысу аудандық мешітінің жастар ісі секторының ұйымдастыруымен үлкен игі істе тағы да бас қосты.

Президентіміз Қасым-Жомарт Кемелұлының бастамасына үн қосқан Жаңатас жастары білек сыбанып, көмекке мұқтаж 28 отбасыға көмек көрсетіп, мұсылманшылықтың айқын бейнесін көрсетті. Бұл іс алғашқы емес әрі соңғысы болмайтыны белгілі.

 Алмат Шадиев

Сарысу аудандық мешітінің наиб имамы