Бірде байдың үйіне бір қайыршы келіпті. Дарбазаны қағып тұрған қайыршыны көргенде, бай дереу сандықтағы барын буып-түйіп алып шығып әлгіге ұстатыпты. Өзі үйге кіріпті де басын ұстап жылай бастапты. Әйелі «Отағасы, неге жылайсыз? Әлде берген заттарға ішіңіз ашып қалды ма?» деп сұрағанда, ол: «Бұл қайыршы менің баяғы досым екен. Әркез халін сұрап, уақытында көмектескенімде, бәлкім, мұндай күйге түспес пе еді. Бұған мен де кінәлімін» деп жауап берген екен. 

asyldin.kz