Жамбыл облысының Әйел-қыздар секторының ұйымдастыруымен "Болашақ кондитер" атты түрлі тәттілер пісіріп үйренуден мастер класс өтті. Шара тек мешіттегі дәрістермен шектеліп қалмай жан-жақты сабақтар жүргізу, жаңадан келін болған, тұрмысқа шыққалы жатқан қыздарға кеңес ниетінде жасалған болатын.

Нәзік жанды арулар бұл шеберлік сағатында қызыл бархат, вупи-пай, сүтті қыз, сникерс торты, пирожный рулет, профитроли, дамские пальчики сынды түрлі тәттілерді әдемі, дәмді етіп пісірудің қыр-сырларын үйренді.  

Шараға сектор жетекшісі Гүлжан Алдасаева да келіп қатысты. Ас үйдің сәнін келтірер қыз-келіншектер шеберліктеріне шеберлік қосып, аспаздықты меңгерді. Жиын соңында барлық қатысушыларға сертификат табысталды. 

Аспаздық мастер классқа жұмсалған барлық қаражат қайырымдылыққа жұмсалмақ.

Ақерке БЕКҚҰЛОВА,

"Һибатулла Тарази" мешітінің баспасөз қызметі.