ҚМДБ-ның Жамбыл облысындағы Әйел-қыздар секторының ұйымдастыруымен "Һибатулла Тарази" мешітінде "Мектепке жол" науқанының аясында қайырымдылық іс-шарасы жасалды.
Әлеуметтік жағдайы төмен, көпбалалы отбасыларға көмек ретінде жалпы 30 балаға мектепке қажетті құрал-жабдықтары бар сөмкелер сыйға тартылды.
Су жаңа сөмке асынған бүлдіршіндердің қуанышты шарасына мешіт ұстаздары мен шәкірттер атсалысты.
Сектор жетекшісі Гүлжан Алдасаева білімнің маңызы жөнінде сүбелі сөз сөйлеп, оқушыларға жаңа оқу жылында озат болуларын тілеп, қалам-қарындашы, дәптер, сызғышы сынды барлық керек-жарағы түгел сөмкелерді табыстады.
Ата-аналар разылығын айтса, балалар жаңа құралдарын ақтарысып, мәз-мейрам болды.
Ақерке БЕКҚҰЛОВА,
"Һибатулла Тарази" мешітінің баспасөз қызметі.