ҚМДБ-ның әйелдер қыздар секторы, Тараз қалалық «Әулие ата» мешітінде Рамазан айына орай Құран оқылды. Мешіт ұстазы Накия Надыршина шәкірттерімен бірлесе оқыған Құран хатымды бағыштап, дұға жасалды.

«Кімде – кім Құранды сүйсе (жақсы көрсе), Алла пен елшісі де ол адамды сүйеді. Кімде – кім Алла пен елшісінің сүйіктісі болуды қаласа, онда өзінің Құранды қаншалықты сүйгендігіне қарасын»(Хайсәми және ат – Табарани).

Құранға деген махаббат оны оқуға байланысты. Бұл қасиетті кітапты оқу ең ұлы ғибадаттардың бірі әрі Аллаға жақындататын бірден – бір төте жол болып табылады. Алла Тағала бізге қасиетті Құранды оқуды әмір еткен.

 Әйел жамағатына Рамазан айының артықшылығы, Құран оқудағы сауаптар туралы мешіт имамы Ораз Баймаханов уағыз айтты.

«Кеңесхан қажы» мешітінің баспасөз қызметі