Бүгінде діни экстремизм дүниежүзі бойынша күрмеуі қиын әрі өткір мәселеге айналып отыр. Діннің атын жамылып, ұлттар мен діндер арасына от салудың нәтижесі үлкен қақтығыстарға алып келетіні анық. Әсіресе, ислам дінінің негізін дұрыс түсінбеген жастар жат ағымдардың жетегіне еріп, теріс жолға түсіп жатады. Осындай мәселелердің алдын алу, жастарға түсіндіру жұмыстарын жүргізу мақсатында бүгін «Салихалы ұрпақ» қайрымдылық қорының ұйымдастыруымен Т.Рысқұлов ауданы  Өрнек ауылында «Діни экстремизмнің алдын алып, дәстүрлі ислам  құндылықтар мен бабалар мұрасын өнеге тұту» атты  кездесу өтті.

Шараға облыстың өкіл иамы Қанат Жұмағұл, Алматы орталық мешітінің наиб имамы Ермек Көкрекбаев, ауданың бас имамы Сұлтаншәріп Джадраев пен «Салихалы ұрпақ» қайрымдылық қорының басшысы Қасабеков Қасым қатысты.

Экстремизм мемлекет тұтастығы мен ұлт қауіпсіздігіне және азаматтардың құқығы мен бостан­дығына үлкен қауіп төндіретіні белгілі. Діни экстремизм ескерткіш парақ­шалар, экстремистік әдебиеттер, белсенді миссионерлік қызмет арқылы мәліметтерді тарату және мұсылман мемлекеттерінің жоғары оқу орындарында білім алып жатқан жастарды құрамына тарту арқылы көрініс тауып отыр.

Өкіл имам Қанат Жұмағұл өз сөзінде: Экстремизмге карсы мемле­кетіміз үлкен қаржылық, әкімшілік және ақпарат ресурстарын тез әрі жедел түрде жұмылдыра білді. Діни теріс ағымдар өзінің құрамын көбейту мақсатында нысанаға жастарды көз­дейтіні мәлім. Оған бірқатар әлеу­меттік себептер де бар: жастар ара­сындағы діни сауатсыздық, білімсіздік, жұмыссыздық. Сондай-ақ жастардың негізгі ақпарат көзі болып табылатын ғаламтор мен әлеуметтік желілердегі экстремистік бағыттағы ақпараттар­дың кең таралуы. Жастар арасындағы шешімін таппаған өзекті мәселелер экстремистердің басты қаруына ай­налып отырғандығына тоқталды. Бүгінгі радикалды ағымдардың негізгі мақсаты – дін мен дәстүрдің сабақтас­тығымен осының нәтижесінде қа­лып­тасқан дәстүрлі рухани құндылықтар­ды жоюды нысанаға алатындығына назар аударылды. Діни экстремизмге қарсы құрал – ғасырлар қойнауынан келе жатқан халықтың өзінің төл рухани құндылықтары мен дәстүрлі исламның негізгі қағидалары. Дәс­түрлі исламның барлық мақсаты тура жол бағытындағы қағидалар. Тәрбиенің түп қазығы салт-дәстүр екендігін жастар­дың санасына сіңіріп, түсіндіру қажет­тігі.

Әбілда Мейірханов