«ҚАЖЫЛЫҚ ҚОРЫ»: 103 ИМАМҒА ҚАРАЖАТ АУДАРЫЛДЫ

: ЖАҺАН ЖАҢАЛЫҚТАРЫ; 21-Қаңтар 2019; ҚАРАЛДЫ: 1021; РЕЙТИНГ:

( 1 HELIX3_COUNT_RATING )

«ҚАЖЫЛЫҚ ҚОРЫ»: 103 ИМАМҒА ҚАРАЖАТ АУДАРЫЛДЫ

User Rating: 5 / 5

Жуырда Астанада Бас мүфти Серікбай қажы Ораздың төрағалығымен өткен кезекті хаттамалық жиналыста дін қызметкерлерін әлеуметтік қолдау, оларды жалақымен қамтамасыз ету мәселесі талқыланған болатын.

Жиналыста «Қажылық қоры» есебінен өзін-өзі қаражатпен қамтамасыз ете алмайтын ауыл имамдарына 50 мың теңге көлемінде жалақы беру туралы мәселе көтерілді. Бүгін Бас мүфти Серікбай Сатыбалдыұлының шешімімен 103 имамға тиісті қаражат аударылды.

«Еліміз бойынша 2058 ауылдық мешіт бар. Оның басым бөлігі өзін-өзі қаражатпен қамтамасыз ете алмайтын мешіттер. Ауылда айлықсыз қызмет ететін дін қызметкерлерін толықтай жалақымен қамтамасыз ету жоспарымызда бар. Алғашқы кезең бойынша бүгін 103 ауыл имамына «Қажылық қоры» есебінен 50 мың теңге қаражат аударылды. Осылайша, имамдардың әлеуметтік мәселесін кезең-кезеңімен шешуді көздеп отырмыз», – деп атап өтті ҚМДБ Төрағасы Серікбай қажы Ораз.

Еліміз бойынша, 2626 мешітте 6189 адам қызмет етеді. Оның 4 мыңға жуығы – дін қызметкері. Жалпы дін қызметкерлерінің 30 пайызы ғана толыққанды жалақымен қамтамасыз етілген.

ҚҰРМЕТТІ ОҚЫРМАН! ОСЫ ТАҚЫРЫПҚА БАЙЛАНЫСТЫ ПІКІРІҢІЗДІ БӨЛІСЕ ОТЫРЫҢЫЗ.

Жаңалықтардың астында қалдырылған комментарийлер мазмұны asyldin.kz рухани ағарту порталында редакцияланбайды. Сайт комментарийлердің пішіні мен мазмұнына жауап бермейді. Пікір білдірерде тәртіп сақтауды сұраймыз!