Бір кісі теңіздің жағасында отырады. Аздан соң бір ит жағаға келіп су ішпек болады, бірақ судағы өзө көлеңкесінен қорқып іше алмайды.

Қатты шөлдеген ит суды қанша ішкісі келсе де қорқып, қыңсылап біраз уақыт тұрады. Ақыры теңізге түсіп, көлеңкесін көрмегендіктен қорықпай, әбден шөлін қандырып алады.

Мұны бақылап отырған кісі ішінен: «Адамның мақсатына жетуіне кедергі келтіретін – «қолымнан келмейді» деген ішкі ойлары мен қорқақтығы екен. Қорқынышы мен сенімсіздігін жеңсе ғана адам ойлаған мақсатына жете алады» деген ой түйеді.

    Ал мұндағы негізгі ой – адам кімнен, не нәрседен болса да өзіне сабақ алуы тиіс.

asylsoz.kz