Ресейдің астанасы Мәскеуде дін мамандарын, сондай-ақ, ислам мен араб тілі негіздерінің оқытушыларын дайындайтын жаңа медресе өз есігін айқара ашатын болады.

Бұл жөнінде «Интерфакс» ресурсына берген сұхбатында Ресей мұсылмандары діни жиналысының  басшысы, Мәскеу мүфтиі Альбир Крганов мәлімдеген. Оның айтуына қарағанда, аталмыш оқу мекемесі РМДЖ қолдауы арқасында салынған.

Медресе түлектеріне алған мамандықтары бойынша еңбекке тұра алатын мемлекеттік үлгідегі диплом берілетін болады. Бұл медресеге революцияға дейінгі кезеңде танымал болған ресей діни қайреткері Зайнулла Расулевтің есімі беріледі.

asyldin.kz