Шу аудандық «Төле би» мешітінің бас имамы Аят қажы Дыбысұлының тапсырмасымен аудандық «Төле би» мешітінің наиб имамы Талғат Кәрібайұлы ауданымызға қарасты бір қатар мешіттерді аралап, имам-молдалардың атқарып жатқан жұмыстарын көріп қайтты.

Атап айтсақ, «Хати Сауранбай», «Жаңа жол», «Бірлікүстем», «Д.Қонаев» мешіттерінде болып, ҚМДБ-нан және облыстық орталық «Һибатулла Тарази» мешітінен келіп түскен тапсырмалар қандай  деңгейде атқарылып жатқанын қадағалап, ауыл имам-молдаларына алдағы уақытта атқарылатын жұмыстардың ретін түсіндіріп, бірнеше тапсырмалар жүктеді.

Сол тапсырмалардың ішінде ауыл тұрғындарымен жақсы қарым-қатынаста болып, мешіттегі оқу-ағарту жұмыстарына аса мән беріп, мешіт жамағатымен ауызбіршілікті сақтап, жұдырықтай жұмыла жұмыс жасау керектігін және мешіттің ішкі-сыртқы тазалығы туралы да  айтып өтті.

Аталған іс-шара алдағы уақытта өз жалғасын таппақ.

                                                     Шу аудандық «Төле би» мешітінің Баспасөз қызметі