Ерлердің өз әйелдерінен өзгелердің жанында және намазда тізе мен кіндіктің арасын жабуы парыз. Тізе де әурет жеріне кіреді. Алла: «Ұятты жерлерін де қорғасын», – дейді. Ерлердің басқа жерлерін жабуы – мұстахап.

Хадисте: «Сендерден кімде‑кім құлын яки жұмысшыларын үйлендіретін болса, оның кіндік пен тізелері арасына қарамасын». Басқа бір хадисте «Кіндік пен екі тізе арасы әурет жері» делінген.

Дарақутнидің мына хадисінде: «Тізелер – әурет жерлері» деп берілген. Мәликилерде ерлердің әурет жері – ұятты жерлері ғана. Оларда тізе мен сан арасы әуретке жатпайды.