Ұлыстың ұлы күні – Әз Наурыз мейрамына орай Жуалы ауданындағы Қайрат ауылдық «Қайрат» мешітінде мерекелік шара ұйымдастырылды. Мешіт ауласына қазан асылып, жамағат арасында ұлттық спорт түрлерінен сайыс өткізілді.
Жуалы ауданы, Қарабастау ауылында ірі қара құрбандыққа шалынып, мұқтаж отбасыларға таратты. Игі шараға мұрындық болған амал "Билікөл" мешітінің имамы Бахтыбеков Қуаныш 3-кәсіпкерлермен бірігіп ауыл тұрғындарымен тасаттық жасап, Алладан жаңбыр сұрап, ірі қара малды құрбандық шалған болатын.
Ұлттық ойындар – ата – бабаларымыздан бізге жеткен байлығымыз, асыл қазынамыз. Сондықтан, үйренудің күнделікті тұрмысқа пайдаланудың заманымызға сай ұрпақ тәрбиелеуге пайдасы орасан зор әрі ислам діні өз қоғамын қуатты да айбынды болуы үшін, спортқа ерекше көңіл аударып, онымен айналысуға шақырады.
Байзақ аудандық “Байзақ баба” мешітінде мешіт ұстазы Жанат Кушербаева ұйымдастыруымен “Наурыз” мерекесі тойланды.
Талас аудандық "Қажы би" мешітіне атбасын тіреп келген ауыл имамдарымен жамағат үшін айлық дастархан шарасы ұйымдастырылды. Жамағат арасындағы бірлікті, ынтымақты арттыруға бағытталған шарада аудан бас имамы Жалгасбай Дүйсенбайұлы, найб имам Азамат Ұзақов, "Әбдирашит ата" мешітінің ұстазы Жанұзақ Әнибеков арнайы уағыз айтты.