Жамбыл ауданы Қапал ауылында ауылдық мешіттің бастамасымен мазараттарды қоршау жүзеге асырылды. Ауыл тұрғындары мен ақсақалдардан оң қолдау тапқан бастамаға ауыл кәсіпкерлері атсалысты.
Мұсылман зиратының қағидалары мен талаптарына сәйкес: Қабірлер тапталып, аяқасты болмауы үшін қоғамдық зиратты тұтас қоршаған абзал. Тұтас қоршалған зираттағы қабірлерді жеке-жеке етіп қоршау қажет емес. Егер қабірстан толықтай қоршалмаса, адам мен жануардың аяғына тапталмау үшін қабірді шариғат шеңберінде төртқұлақ етіп қоршауға рұқсат беріледі.
Жамбыл аудандық мешітінің баспасөз қызметі